Жылдамдықты асыру, телефон қолдану, қызыл шамнан өту, мас күйінде көлік жүргізу және басқа құқықбұзушылықтар үшін айыппұлдардың толық тізімін назарларыңызға ұсынамыз.
2026 жылы Қазақстанда жол қозғалысы ережелерін бұзғаны үшін салынатын айыппұл мөлшері Айлық есептік көрсеткішке (АЕК) байланысты есептеледі. 2026 жылы 1 АЕК – 4 325 теңге. Бұл талаптар Қазақстан Республикасының Әкімшілік құқық бұзушылық туралы кодексінде (ӘҚБтК) белгіленген.
Жылдамдықты асырғаны үшін айыппұл
Қазақстанда жылдамдықты асыруға байланысты айыппұлдар ӘҚБтК-нің 592-бабымен реттеледі:
• 10-20 км/сағ – 5 АЕК (21 625 теңге);
• 20-40 км/сағ – 10 АЕК (43 250 теңге);
• 40-60 км/сағ – 20 АЕК (86 500 теңге);
• 60 км/сағ және одан көп – 40 АЕК (173 000 теңге).
Телефон қолдану және қауіпсіздік белдігін тақпау
ӘҚБтК-нің 591-бабына сәйкес:
• рөлде отырып телефон қолдану – 5 АЕК (21 625 теңге);
• қауіпсіздік белдігін тақпау – 5 АЕК (21 625 теңге).
Қиылыстар мен жаяу жүргінші өткеліндегі бұзушылықтар
• Кептеліс кезінде қиылысқа шығып, қозғалысқа кедергі жасау – 3 АЕК (12 975 теңге) немесе ескерту;
• Арнайы сигналдары бар көлікке (жедел жәрдем, полиция, өрт сөндіру) жол бермеу – 15 АЕК (64 875 теңге).
Тоқтау және тұрақ ережелерін бұзу
• Тоқтау немесе тұрақ ережесін бұзу – 5 АЕК (21 625 теңге);
• Тротуарға, гүлзарға немесе балалар алаңына көлік қою – 10 АЕК (43 250 теңге);
• Жол бойында көліктерге кедергі келтіріп тоқтау – 10 АЕК (43 250 теңге);
• Мүгедектерге арналған орынға тұраққа қою – 10 АЕК (43 250 теңге);
• Ақылы тұраққа төлем жасамау – 1 АЕК (4 325 теңге).
Мас күйінде көлік жүргізу
Бұл құқықбұзушылық ӘҚБтК-нің 608-бабымен реттеледі:
• Рұқсат етілген мөлшерден жоғары алкоголь – 200 АЕК (865 000 теңге);
• Алкотестер көрсеткіші 0,5%-дан жоғары – 300 АЕК (1 297 500 теңге);
• Медициналық тексеруден бас тарту – 250 АЕК (1 081 250 теңге) немесе 15 тәулікке дейін қамау;
• Бір жыл ішінде қайта бұзса – 400 АЕК (1 730 000 теңге) және жүргізуші куәлігінен 2 жылға дейін айыру, кей жағдайда қылмыстық жауапкершілік.
Экологиялық талаптарды бұзу
Көліктің шығарындылары немесе шу деңгейі нормадан асқан жағдайда:
• жеке тұлғалар – 10 АЕК (43 250 теңге);
• заңды тұлғалар – 100 АЕК (432 500 теңге).
Қайталанса айыппұл екі есеге өседі.
Жолаушыларды тасымалдау ережесін бұзу
• жолаушылар мен жүкті тасымалдау талабын бұзу – 5 АЕК (21 625 теңге);
• көлік терезесінен шығу, есікті қозғалыс кезінде ашу – 10 АЕК (43 250 теңге).
Қарсы бағытқа шығу және жолда орналасу тәртібі
• тротуармен немесе жол жиегімен жүру – 15 АЕК (64 875 теңге);
• қарсы бағытқа шығу – 6 айға жүргізуші куәлігінен айыру.
Бағдаршамның қызыл шамынан өту
ӘҚБтК-нің 599-бабы бойынша:
• қызыл шамға өту – 10 АЕК (43 250 теңге).
Маневр жасау ережесін бұзу
• бұрылыс белгісін қоспау – 5 АЕК (21 625 теңге);
• тыйым салынған жерде артқа жүру – 10 АЕК (43 250 теңге).
Жаяу жүргіншіні өткізбегені үшін
• жаяу жүргіншіге жол бермеу – 10 АЕК (43 250 теңге).
Жол белгілері мен таңбаларын бұзу
• жол белгілерінің талаптарын орындамау – 3 АЕК (12 975 теңге).
Апаттық жағдай туғызу
• жолда басқа жүргізушілерді шұғыл маневр жасауға мәжбүрлеу – 10 АЕК (43 250 теңге).
Теміржол өткелін бұзу
• шлагбаум жабық кезде өту немесе өткелде тоқтау – 20 АЕК (86 500 теңге).
Жол-көлік оқиғасы үшін жауапкершілік
ӘҚБтК-нің 610-бабы бойынша:
• материалдық шығын келтірсе – 25 АЕК (108 125 теңге);
• жеңіл жарақат болса – 40 АЕК (173 000 теңге) немесе 9 айға дейін құқықтан айыру;
• жүргізуші куәлігі жоқ болса – 60 АЕК (259 500 теңге).
Оқиға орнын тастап кету
• 50 АЕК (216 250 теңге) немесе 1 жылға жүргізуші куәлігінен айыру.
Құжатсыз немесе жүргізуші куәлігінсіз көлік жүргізу
• құжатсыз жүргізу – 5 АЕК (21 625 теңге) немесе ескерту;
• куәліктен айырылған адам жүргізсе – 50 АЕК (216 250 теңге) немесе 10 тәулікке дейін қамау.
Полиция талабын орындамау
• тоқтау талабын орындамау – 40 АЕК (173 000 теңге);
• полиция рұқсатынсыз көліктен шығу – 5 АЕК (21 625 теңге).
Мемлекеттік нөмірге қатысты бұзушылықтар
• оқылмайтын немесе дұрыс орнатылмаған нөмір – 5 АЕК (21 625 теңге);
• нөмірсіз көлік жүргізу – 10 АЕК (43 250 теңге);
• жалған нөмір орнату – 15 АЕК (64 875 теңге).
Техникалық ақауы бар көлікпен жүру
• ақаулы көлікпен жүру – 5 АЕК (21 625 теңге);
• рұқсатсыз қайта жабдықтау – 15 АЕК (64 875 теңге);
• техникалық тексерістен өтпеу – 5 АЕК (21 625 теңге).
Жаяу жүргіншілерге арналған айыппұл
2026 жылғы 12 наурыздан бастап Қазақстанда ӘҚБтК-ге енгізілген түзетулерге сәйкес жаяу жүргіншілердің кейбір құқықбұзушылықтары камералар мен дрондар арқылы автоматты түрде тіркеледі.
• жаяу жүргінші өткелінен тыс жерден жол кесіп өту – 2 АЕК (8 650 теңге).
