Астаналық «Барыс» Құрлықтық хоккей лигасының (ҚХЛ) тұрақты чемпионатындағы кездесуін бүгін Магнитогорскіде жергілікті «Металлургпен» өткізеді.
Матч Қазақстан уақытымен сағат 18.50-де басталады.
Бұл ойында фаворит «Металлург» екендігі анық. Магнитогорскілік команда 34 ұпаймен Шығыс конференциясында 5-орында тұрса, елордалықтар (21 ұпай) 11-сатыдан жылжыған жоқ.
«Барыс» соңғы үш ойында қатарынан жеңіліс тапқаны белгілі. Дегенмен 20 қарашада «Барыс Арена» стадионында күтпеген жерден «Металлургті» 2:1 есебімен ұтып кеткен болатын. Сол ерлігін қайталай алады ма, оны бүгінгі ойын көрсетеді.
Еске сала кетейік, бұдан бұрын «Барыстың» түзде «Сибирь» командасынан жеңіліп қалғанын жазған болатынбыз.
