Маңғыстау облысының дала алқабында қызыл кітапқа енген соғды қызғалдағы гүлдеп, ерекше көрініс пайда болды.
Otpannews.kz жазуынша, блогер Абай Жанысбаев жеке парақшасында Маңғыстау даласының гүлденген сәтін түсірген видеосын жариялаған. Бейнежазбасында Маңғыстау даласының көктемгі көріністері бейнеленген.
Жасыл желекке оранған кең дала мен көз тартарлық ашық түстер қолданушылардың назарын аударып, өңір табиғатының сұлулығына тәнті етті.
Соғды қызғалдағы (Tulipa sogdiana) – сирек кездесетін, ерекше өсімдіктердің бірі. 10-25 сантиметрге дейін өсетін бұл көпжылдық гүл наурыз-сәуір айларында гүлдейді. Ол негізінен Қызылқұм, Қарақұм, Маңғыстау өңірлерінің құмды, кейде сазды немесе тасты шөлдерінде кездеседі.
Бұл қызғалдақ жойылып кету қаупі бар өсімдіктердің қатарына жатады және Қазақстанның Қызыл кітабына енгізілген.
