Танымал журналист Гүлмира Әбіқай өзінің Instagram парақшасында тойда жайнамаз төсеп, маңдайын жерге қойып, үлкендерге сәлем салған жас жұбайлардың видеосын жариялады.
«Той тойдай болу керек қой! Дәстүрдің тозығы бар, озығы бар деп әр елдің салтын қосып жастардың үйлену сәтін адастырып жатырмыз, ағайын! Мынау не, сәлем салу ма, сәждеге жығылу ма?» — деп жазды Гүлмира Әбіқай.
Желі қолданушылары видеоға қатысты түрлі пікір білдірді.
«Беташар болмай ма?», « Қазір әр салтты әркім әртүрлі қылып бұрмалап алады», «Видеода – корей халқының ата-анаға сәлем беру ежелден келе жатқан дәстүрі», «Жігіттің ұлты — корей»», — деп жазды олар.
