Астанада қазақ күресінен ерлер мен әйелдер арасында іріктеу чемпионаты өтті.
Чемпионатта әйелдер арасында сегіз салмақ дәрежесі, ал ерлер арасында тоғыз салмақ дәрежесінде бақ сынасты.
Жарысқа Астана қаласының әр ауданынан және жеке клубтардан үздік деген 130 балуан қатысты. Соның ішінде, Астана қаласы Полиция департаментінің қызметкерлері де қатысқан болатын.
Астаналық полицейлер Жалғас Шынкеев 100 кг салмақ дәрежесінде қатысып жүлделі 1-орынға ие болса, Байдәурен Чуюнбаев 66 кг салмақ дәрежесінде жүлделі 2-орынды қанжығасына байлады.
Бұған дейін де тәртіп сақшылары түрлі республикалық және халықаралық чемпионаттарға қатысып, жеңімпаз атанды.
