Астанада мүгедектігі бар адамның құқығын бұзғаны үшін әуе компания жауапқа тартылды.
Бас прокуратураның мәліметінше, 2024 жылы 3 қарашада Санкт-Петербург-Aстана рейсімен ұшып келген мүмкіндігі шектеулі кәмелетке толмаған жолаушыға әуе компания тиісті қызмет көрсетпеген.
«Ұзақ күткен жолаушының әкесі баланы ұшақтан өзі шығаруға мәжбүр болды. Әуе компаниясы қызметкерлерінің мүгедек арба қажет екені туралы қате хабарламасы уақтылы қызмет көрсетпеудің себебі болды», — деп жазылған хабарламада.
Прокуратура актісі бойынша әуе компаниясы тасымалдау ережелерін бұзғаны үшін әкімшілік жауапқа тартылған (Қазақстан Республикасының Әкімшілік құқық бұзушылықтар туралы кодексінің 571-бабының 1-бөлігі).
